((( ومـضـات )))
ياهو الكالك ناسيك هم ينسه الكمر وكته؟ لو نبض الكلب يتنكر الدكته بس عشكك عشك مفضوح وعشك الناس كلها مساتر وسكته
صرت انت سبت وبركبة يهودي
هم شايف يهودي يجوز من سبت¤
¤ ¤ ¤ ¤ ¤¤ ¤ ¤ ¤ ¤
قشمروني وجان ضنهم
قشمروك وغلطو أكبر
غلطه جي مافكرو
هم باعوني وعله عنادي
أشتروك وأنه أنته أذن
همه تقشمرو
¤ ¤ ¤ ¤ ¤¤ ¤ ¤ ¤ ¤
على ياأيد تقفه اليله وتنام
واشيم بيك حتى اجفوف اديه
البخت جابك نطرتك ذيج السنين
وعيشتك طفل وانته الهديه
واذا ماصح غطه وتتعذر الايد
اصير افراش واتمدد عليه
¤ ¤ ¤ ¤ ¤¤ ¤ ¤ ¤ ¤
بالطيف وماادري بروحي
سجينه وخيطت اجروحي
جيت اذبح محبوبي بلهفه
فزيت ولن ذابح روحي
¤ ¤ ¤ ¤ ¤¤ ¤ ¤ ¤ ¤
شيعنه المدن احلام مذبوحات
الكواكب والشمس نزلن وشالنهه
اذا مات البشر يندفن تحت الگاع
واذا ماتت الگاع شلون ندفنهه
¤ ¤ ¤ ¤ ¤¤ ¤ ¤ ¤ ¤
انته ماخذ راحتك واعليك انوح
ابجي وحدي وماتجي تواسيني
وانه من عيني اطلعت ويه الدموع
وانته مهتزيت باقي بعيني
¤ ¤ ¤ ¤ ¤¤ ¤ ¤ ¤ ¤
دنياتك صبح مابيه لون الليل
عايش بلضلام وليلك اعيونك
ماعندك حلك عندك ورد ينباس
ليلو مسطرات اسطر اسنونك
تفوز انته الملك من تدخل استفتاء
واحلى اهل الارض لازم يخلونك
مالازم هلك ينطونك الانسان
بس ليوسف المفروض ينطونك
¤ ¤ ¤ ¤ ¤¤ ¤ ¤ ¤ ¤
لوتعرف اسباب وني وليش انوح
جاصرت عبره وتجي اتبجيني
انته ماعندك جرح تبجي عليه
منيلك انته حسين مثل احسيني
¤ ¤ ¤ ¤ ¤¤ ¤ ¤ ¤ ¤ ذبنه بحدود النوايب شوف من عدنه شبدر
وحنه لوصار المزامط موش احنه اهل العذر
الصاغنه بينه ايتباهه واحنه للخاتم شذر
¤ ¤ ¤ ¤ ¤¤ ¤ ¤ ¤ ¤
ادك بابي على روحي بنفس الاوهام
وصدى صوتي يرد ويدك علية
ويناديني واكومن واوصل الباب
اثاريني اوصلت بس ناسي ادية
¤ ¤ ¤ ¤ ¤¤ ¤ ¤ ¤ ¤
لأن تضوي وترف وبلمسة ايدي تذوب
تخجل من ظواك وتنطفي الشمعه
يلعينك سفينه تعناد الملاح
وتشك روج البحر من تغرك بدمعه
من گـد ماترف ينشاف بيك الماي
وبجيدك نزك شلال مو مجعه
ماچلچل علينه من الگصيبه يغار
ومسودن الليل وجيب اليقنعه
على خدك ضوه شمس الله بيك اختار
تبجي ويه الهلال وتنحب وتنعه
يلهمسك غنه ويلصفنتك موال
وغفه لگلب المريض يصيبك يسمعه
بليل انته واحد وبالنهار اثنين
لأن ضلك مرايه وعينه اتبعه
اظن عشرين واكثر حملت امك بيك
لأن دقه جمالك مو شغل تسعه
¤ ¤ ¤ ¤ ¤¤ ¤ ¤ ¤ ¤
دوس اعلى الورد كام الورد ينداس
بس عطر الورد ماتكدر اتدوسه
يصح جريمه اعلى الوجه ينباس
وواحد بالرجل يستاهل اتبوسه
¤ ¤ ¤ ¤ ¤¤ ¤ ¤ ¤ ¤
من گالو اجه الكل طلعو يركضون
والبيبان طلعت هيه والعتبه
ومن گد ماحلو وكفو سره يسألوك
شني انته جمالك صدك لو چذبه
* * * * * * * * * * *
صباح الخير اكلك واحنه نص الليل
لأن خدك ضوه وياليل اليسده
تسد عين الشمس لو فتحت تك عين
لاتفتح ثنين عيونك تهده
اذا موبيك اسولف انه ماموجود
لان بس بيك اسولف كل وكت انه
تدري انت بمكانك وين بيه يصير
بس شويه اوخر تطلع اهنانه
أذا كتلك اكرهك انا غلطان
وأذا كتلك أعوفك كارثه تصير
لأنك تختلف مو كان ماكان
ومن دون الاحبهم فرقك جبير
بس ماصير حصه لغيرك يهواي
ولا انا الغيرك ارهم ولا أصير
% أدري مـن تـشرك لـهات الـنـاس %
% وليشرك يصيح بـمـاي لـحكوني %
% وانه شلون بيه من الحلات البيك %
% ماشركت لهاتي شركت عـيونـي %
@ @ @
تدري ما أبوسك ليش وأتحذر
ثلث حالات تمنعني
/أولهن ولك أخدر/
وثانيهن أبد ما شارب بدنياي
/واخاف بشفتك أسكر/
وصعبه الثالثه أحجيها
,adk
